هەواڵى ناوخۆ

پەرلەمانتارێكی كۆمەڵ سیخوڕی بۆ ئێران دەكات

پەرلەمانتارێكی كۆمەڵی ئیسلامی لە پەرلەمانی عێراق لەماوەی مانگێكدا سێ جار سەرانی باڵیۆزخانەی ئێران لە عێراق دەكات و زانیاری دەداتە دەسەڵاتدارانی باڵیۆزخانەكە.

بەپێی زانیارییەكانی ڕه‌وش پۆست، كە لەسەرچاوەیەكی تایبەتەوە دەستیكەوتووە، تیایدا هاتووە ئەحمەد حاجی رەشید پەرلەمانتاری كۆمەڵی ئیسلامی پەیوەندییەكی بەهێزی لەگەڵ ئێرانییەكانی عێراقدا هەیەو مانگانە دانیشتن و كۆبوونەوە لەنێوانیاندا هەیەو زانیاری ئاڵۆگۆڕ دەكەن.

بەپێی سەرچاوەكەی ڕه‌وش پۆست، ئەو پەرلەمانتارەی كۆمەڵی ئیسلامی بەردەوام دژایەتی خواستەكانی گەلی كوردستان دەكات\ هەواڵی چەواشەكاری بڵاو دەكاتەوەو لەهەمانكاتدا سیخوڕی بۆ ئێران دەكات و پەیوەندی توندوتۆڵی لەگەڵ بەرپرسانی باڵیۆزخانەی ئێران لە بەغدا دروستكردووەو چەندین جاریش داوای بینینی قاسم سلێمانی فەرماندەی فەیلەقی قودسی ئێرانی كردووە.