هەواڵى ناوخۆ

هێرش كرایە سەر سەربازگەیەكی ئەمریكا لە كەركووك

ئەمشەو بۆ جارێكی تر هێرش كرایە سەر سەربازگەی (كەی وەن)ی ئەمریكییەكان لە شاری كەركووك و بەم هۆیەوە فڕۆكە شەڕكەرەكانی ئەمریكا بە ئاسمانی ناوچەكەدا دەسوڕێنەوە.

بە پێی میدیاكانی عێراق، مووشەكێك ئاراستەی سەربازگەكە كراوە، كە هێزەكانی سوپای ئەمریكای تێدا جێگیرە و تا ئێستا زانیاری لەبارەی زیانەكانی هێرشەكەوە ئاشكرا نەكراوە.

پێش چەند هەفتەیەكیش لەلایەن هێزی نەناسراوەوە بە مووشەك هێرش كرابووە سەر ئەو بنكەیە و بە هۆیەوە بازرگانێكی ئەمریكی گیانی لەدەست دا، ئەمەش بووە هۆی هاتنە دەنگی سوپای ئەمریكا و كوشتنی قاسم سولەیمانی فەرماندەی سوپای قودسی ئێران و ئەبو مەهدی موهەندیس جێگری فەرماندەی میلیشیاكانی حەشدی شەعبی بەدوادا هات