هەواڵى ناوخۆ

باوكى ئامانج بابانى:ڕۆژى هه‌زار کەس تیا بچێت شاسوار عه‌بدولواحید به‌ خه‌یاڵیدا نایه‌ت

 

باوکی پێشکەشکارێکی کوژراوی کەناڵی (NRT) کە شاسوار عەبدولواحید خاوەندارێتی دەکات، ڕەخنەی توند لە خاوەنی کەناڵەکە دەگرێ و رای دەگەیەنێت کە ئەگەر ڕۆژی هەزار گەنج تیا بچێت، ”بە خەیاڵیدا نایەت“. 

محه‌مه‌د نوورى، باوكى ئامانج بابانى ڕایگه‌یاند: كه‌یسى گیان له‌ده‌ستدانى ئامانج بابانى و هاوسه‌ر و منداڵه‌كه‌ى ئێستاش ده‌لێم با لێكۆلینه‌وه‌ی زیار له‌سه‌ر ڕووداوه‌كه‌ بكرێت، بێگومان ئێمەش هه‌رگیز ئه‌و كه‌یسه‌ داناخه‌ین و به‌دواداچوونى جددى بۆ ده‌كه‌ین، تا ئه‌و كاته‌ى ده‌گه‌ین به‌ ده‌ره‌نجامێك“. 

ده‌رباره‌ى هەڵوێستی شاسوار عه‌بدولواحید و کەناڵەکانی له‌سه‌ر ئەو ڕووداوەی بەسەر ئامانج بابانیدا هات، باوكى ئامانج زیاتر گوتی: ”شاسوار عه‌بدولواحید كابرایه‌كه‌ گرنگى به‌ پاره‌ و سیاسه‌ت ده‌دات، ڕۆژى هه‌زار كه‌س تیا بچێت ئه‌و به‌ خه‌یاڵیدا نایه‌ت“. 

ئێوارەی ڕۆژی ١٦ی ئۆکتۆبەری ٢٠١٩، لە کاتێکدا خەڵکی کوردستان بە گەرمی باسیان لە ساڵڕۆژی خیانەتی ١٦ی ئۆکتۆبەری ٢٠١٧ دەکرد،  کە بەهۆیەوە بەشێکی زۆری خاکی کوردستان کەوتە دەست حەشدی شەعبی و هێزە عێراقییەکان، کەناڵی (NRT) هەواڵی تیرۆرکردنی ئامانج بابانی و لانە محەمەدی هاوسەری و منداڵەکەیانی بڵاو کردەوە.