هەواڵى ناوخۆ

وەزیری تەندروستی: هەموو ئەو گەشتیارانەی هاتوونەتەوە هەرێمی کوردستان لەژێر چاودێرییدان

د.سامان بەرزنجی، وەزیری تەندروستی حکومەتی هەرێمی کوردستان لە کۆنفراسێکی رۆژنامەوانیدا رایگەیاند، هیچ حاڵەتێکی ڤایرۆسی کۆرۆنا لە هەرێمی کوردستان تۆمار نەکراوە. 

راشیگەیاند، هەموو ئەو گەشتیارانەی هاتوونەتەوە هەرێمی کوردستان لەژێر چاودێرییدان و گومان لەسەر حەوت کەس هەبووە، پشکنینی شەش لەو حەوت کەسە بۆ ڤایرۆسەکە نێگەتیڤ بووە و تەنها یەک کەس ماوە ئەنجامی پشکنینەکەی دەربچێت. 

گوتیشی: "هەرێمی کوردستان ئامادەکاریی تەواوی کردووە و رۆژانەش داتا و زانیارییەکان بۆ هاووڵاتیان و میدیاکان ئاشکرا دەکەین".