هەواڵى ناوخۆ

نوێژی هه‌ینی له‌ سه‌رجه‌م مزگه‌وته‌كانی سلێمانی ڕاگیرا

دوای ئه‌وه‌ی ئه‌مڕۆ چوارشه‌ممه‌ یه‌كه‌م حاڵه‌تی مردن به‌هۆی ڤایرۆسی كۆڕۆنا له‌ سلێمانی تۆماركرا كه‌ مامۆستایه‌كی ئاییبنی بوو به‌ ناوی مه‌لا ڕه‌شید پێشنوێژ و وتارخوێنی مزگه‌وتی مه‌حوی.

به‌رێوه‌به‌رایه‌تی گشتی ئه‌وقاف و كارو باری ئاینی بڕیاریدا به‌ ڕاگرتنی نوێژی هه‌ینی له‌سه‌رجه‌م مزگه‌وته‌كانی شاره‌كه‌ تا كاتێكی نادیار.

سه‌رچاوه‌یه‌ك له‌ به‌ڕێوه‌به‌رایه‌تییه‌كه‌ به‌ ماڵپه‌ڕی كوردستان تیڤی ڕاگه‌یاند: بڕیار وایه‌ له‌ چه‌ند كاتژمێری داهاتوودا سه‌رجه‌م مزگه‌وته‌كانی ناو بازاڕی شار به‌مه‌به‌ستی خۆپارێزی و ڕێگه‌گرتن له‌ بڵاوبوونه‌وه‌ی ڤایرۆسه‌كه‌ دابخرێن.