عیراقى و جیهانى

تەندروستی هەرێم ئاماری 24 كاتژمێری رابردوی توشبونی كۆرۆنای بڵاوكردەوە

وەزارەتی تەندروستی هەرێم رایگەیاند،"لەماوەی 24 كاتژمێری رابردودا 13 توشبوی نوێی كۆرۆنا لە پارێزگاكانی سلێمانی و هەولێر تۆماركراون".

وەزارەتی تەندروستی رایگەیاند،"ژمارەی هاوڵاتیانی کەرەنتینەکان (6831) هاوڵاتی بون لە (34) شوێنی جیاواز، لەئێستادا تەنها (1300) هاوڵاتی لە کەرەنتین ماونەتەوە (754) لە هەولێر، (51) لە سلێمانی، (408) لە دهۆك، (48) لە هەلەبجە، (9) لە گەرمیان، (22) لە ڕاپەرین، (8) کۆیە، (5531) هاوڵاتی لە کەرەنتین دەرچون و گەڕانەوە ناو خانەوادەکانیان دوای تەواوبونی ماوەی دو هەفتە لەگەڵ کەرەنتینکردنی ژمارەیەکی تری کەرەنتینکراو لە 24 کاتژمێری ڕابردو کە کۆی گشتی بریتی بو (12) هاوڵاتی."

ئەوەشخراوەتەرو،"لەماوەی 24 کاتژمێری ڕابردو (1239) پشکنین ئەنجامدراوە، (814) لە هەولێر، (184) لە سلێمانی، (241) لە دهۆك. دەرەنجام (13) توشبوی نوێ تۆمارکراوە" 

سەبارەت بە شوێنی توشبوەكان رایگەیاندوە،"لە پارێزگای هەولێر (9) پۆزەتیڤ، (5) ئافرەت تەمەنیان (42)، (363)، (26)، (17)، (13) ساڵ و (3) پیاو تەمەنیان (50)، (42)، (35) ساڵ و منداڵێك تەمەن (9) ساڵ کە دانیشتوی گەرەکەکانی (شێخ ئەحمەد، مامۆستایان، گۆندی کۆری)ین هەمویان بەرکەوتەی توشبوانی پێشون، حەوت لەوان بەرکەوتەی توشبوانی پرسەکانی ماتەمینی گەرەکی کارێزانن. لە پارێزگای سلێمانی (4) پۆزەتیڤ هەبوە، (3) پیاو تەمەنیان (24)، (22)، (18) ساڵ و ئافرەتێك تەمەنی (43) ساڵ بوە کە دانیشتوی قەزای چەمچەماڵن و بەرکەوتوی توشبوانی پێشون."

راشیگەیاندوە،"کۆی گشتی توشبوان بە ڤایرۆسی کۆڕۆنای نوێ COVID-19 لە هەرێمی کوردستان گەشتە (324) توشبو، لەنێویاندا (3) مردن هەیە و (134) نەخۆش چاکبوەتەوە و ئەوانیتر هەمویان لەژێر چاودێری پزیشکی دان."