هەواڵ

ئارام قادر: عه‌لی باپیر له‌ ئه‌میری نه‌مێنێت ده‌گه‌ڕێمه‌وه‌ ناو كۆمه‌ڵ

ئەندامێكی سەركردایەتی كۆمەڵی ئیسلامی ڕای گەیاند، ئارام قادر بە دانانی مەرجێک بۆ عەلی باپیر ئەمیری کۆمەڵ دەجێتەوە ناو حزبەکە.

كامەران بابان زادە ئەندامی سەركردایەتیی كۆمەڵی ئیسلامی، لە لاپەڕەی تایبەتی خۆی لە فەیسبووك بڵاوی كردووەتەوە، ئارام قادر گوتوویەتی دوو مەرجم بۆ گەڕانەوە بۆ ناو كۆمەڵی ئیسلامی هەیە، ئەوانیش لابردنی پاشگری ئیسلامی و دانانی مەرج بۆ كەسی یەكەمە واتە دوو خول یان هەشت ساڵ لەو پۆستەدا بمێنێتەوە.

ئەو ئەندامەی سەركردایەتی كۆمەڵ ڕوونی كردووەتەوە، ئەم دوو مەرجە زۆر سادەن و نابنە فریادڕەس بۆ بەهێزبوون و گەشانەوەی هیچ حزبێكی ئیسلامی.

باسی لەوەش كردووە، هەردوو مەرج و هەنگاو بۆ پرۆسەی گۆڕانكاری لە گەشە و مانەوەی حزب بەهێز نین، گەشەكردن و مانەوە و بەردەوامی حزب پێویستی بە پلان و نەخشەی زۆر وردتر و ستراتیجیتر هەیە.