هەواڵ

لاهور جه‌نگی: لە مەشروب فرۆشیەوە بۆ ھاوسەرۆکی یەکێتی

لاهوور جه‌نگی له‌ ساڵانی نه‌وه‌ده‌كاندا له‌ وڵاتی به‌ڕیتانیا ژیاوه‌ و له‌وێ باڕ و دیسكۆی هه‌بووه‌ ڕاستەوخۆی سه‌رپه‌رشتی كردووه‌ ئێستاش بۆیه‌ هه‌میشه‌ وه‌ك كه‌سایه‌تێكی شه‌لاتیی ده‌ربڕینه‌كانی هه‌یه‌ هه‌رگیز نه‌ی توانیوه‌ وه‌ك پیاوێكی سیاسی هه‌ڵسوكه‌وت بكات.

ئه‌ندامێكی مه‌كته‌بی سیاسی بزووتنه‌وه‌ی ئیسلامی به‌ هۆی هه‌ستیاری بابه‌ته‌كه‌وه‌ نه‌ی ویست ناوی بڵاو بكه‌ینه‌وه‌ ڕایگە‌یاند، لاهوور جه‌نگی هاوسه‌رۆكی یه‌کێتی له‌ ساڵانی نه‌وه‌ده‌كان به‌دیاری كراوی ساڵی 1996 له‌ وڵاتی به‌ڕیتانیا دیسكۆی هه‌بووه‌، ئێستاش به‌ هه‌ڵسوكه‌وته‌كانییه‌وه‌ دیاره‌.

به‌رپرسه‌كه‌ی بزووتنه‌وه‌ی ئیسلامی ده‌شڵێت، نازانین چۆن حزبێكی وه‌ك یه‌كێتییان ڕاده‌ستی كه‌سێك كردووه‌ خاوه‌نی دیسكۆ خانه‌بووه‌ كاری ئه‌و سه‌رپه‌رشتی دیسكۆخان و باڕه‌كان بووه‌ نه‌وه‌كوو سه‌رۆكایه‌تی حزبێكی وه‌ك یه‌كێتی.

هه‌روه‌ها ئاماژه‌ی به‌وه‌كرد، ئه‌گه‌ر سه‌یری هه‌ڵسوكه‌وتی لاهوور جه‌نگی بكه‌ن بۆتان ده‌رده‌كه‌وێت وه‌ك شه‌لاتییه‌كانی باڕخانه‌كانه‌ و مافیایانه‌ هه‌ڵسوكه‌وت ده‌كات.