هەواڵ

به‌په‌له‌ .. سه‌رۆكی حكوومه‌ت فه‌رمانی به‌ وه‌زیری دارایی كرد بۆ وه‌رگرتنه‌وه‌ی قه‌رزه‌كان

وه‌زیری ناوخۆی حكوومه‌تی هه‌رێمی كوردستان ڕێبه‌ر ئه‌حمه‌د ئاشكرای ده‌كات مه‌سروور بارزانی سه‌رۆك وه‌زیرانی كوردستان فه‌رمانی به‌ وه‌زیری دارایی كردووه‌ ،قه‌رزه‌كانی لای سه‌رمایه‌داران وه‌ربگرێته‌وه‌.

وه‌زیری ناوخۆ ڕێبه‌ر ئه‌حمه‌د ڕای گه‌یاند:” مه‌سروور بارزانی سه‌رۆك وه‌زیرانی كوردستان ،وه‌زیری دارایی ڕاسپاردووه‌ پاره‌ی قه‌رزی حكوومه‌ت لای سه‌رمایه‌داران ده‌ست بكات به‌وه‌رگرتنه‌وه‌یان ڕێكاره‌كان ده‌ستپێبكه‌ن و پێشچونیی باش هه‌یه‌.

هه‌روه‌ها وتیشی، زۆرێك له‌و سه‌رماییه‌دارانه‌ پاره‌یه‌كی زۆریان وه‌رگرتووه‌ له‌ حكوومه‌ت و تائێسته‌ نه‌یان گه‌ڕاندووه‌ته‌وه‌ ده‌بێت به‌ زووی ده‌ست بكه‌نه‌وه‌ به‌دانه‌وی قه‌رزه‌كانیان یان ده‌ستگرتن به‌سه‌ر ئه‌و زه‌وی و موڵكانه‌ی داندراون له‌ جێ وه‌رگرتنی قه‌رزه‌كانیان.

هه‌روه‌ها ئاماژه‌ی به‌وه‌كرد، زۆرێك له‌و دۆڵه‌مه‌نانه‌وه‌ ده‌یانه‌وێت خۆیان بدزنه‌وه‌ له‌ دانه‌وه‌ی قه‌رزه‌كانیان له‌ شۆسیالمیدیا و ته‌له‌فزیۆنه‌كان پڕوپاگه‌نده‌ دژ به‌ حكوومه‌ت و چاكسازی بڵاو ده‌كه‌نه‌وه‌ بۆ خۆدزینه‌وه‌ له‌ دانه‌وه‌ی قه‌رزه‌كانی سه‌رشانیان.