هەواڵى ناوخۆ

به‌په‌له‌ .. عه‌شیره‌تی هه‌ركییه‌كان نامه‌یه‌كی تووند بۆ جه‌هه‌ر ئاغا هه‌ركی ده‌نێرن

ڕه‌وش پۆست

چەند ڕۆژێک پێش ئێستا و کۆبوونەوەی زۆر لەنێوان ژمارەیێک ئاغا و سەرۆک عەشیرەتەکانی بادینان لەوانەش (هەرکی) لە سنوری سلێمانی ئەنجام درا. جەوهەر محیەدین جانگیر ئاغا هەرکی کەلە ڕۆژی ١١ی ئەم مانگە سەرەدانی سلێمانی كرد، ئه‌م سه‌ردانه‌ی بۆ سلێمانی قسه‌ و باسێكی زۆری به‌دوایخۆیدا هێنا.

به‌گوێره‌ی زانیارییه‌كانی ڕه‌وش پۆست، له‌به‌ر هه‌ڵسوكه‌وته‌كانی به‌م دوایه‌ی جه‌هه‌ر محیه‌دین هه‌ركی، هه‌رکییه‌کان نامه‌یه‌کی ناڕه‌زایی و توندیان به‌ (جه‌وهه‌ر هه‌رکی) داوه‌ و به‌راشكاوانه‌ پێیانی گوتراوه‌، چونت بۆ سلێمانی له‌ سه‌نگ و قورساییت که‌م ده‌کاته‌وه‌ و ناوچه‌ی نفوزی هه‌رکی هه‌ولێر و بادینانه‌ نه‌ك سلێمانی.

سه‌رچاوه‌كه‌ی ڕه‌وش پۆست ئه‌وه‌شی ئاشكراكرد، هه‌رکییه‌کان به‌ جه‌وهه‌ر هه‌رکییان گوتووه‌: عه‌یب نییه‌ له‌ سلێمانی له‌ هۆتێلێك بمێنیته‌وه‌ و هه‌ر رۆژی له‌ ماڵی که‌سێك بیت و قه‌درت نه‌گرن؟

جێی ئاماژەیە، عەشیرەتی هەرکی ڕۆڵێکی گەورەیان لەشەری تیرۆریستانی داعشدا بینی و چەندین شەهید و برینداریان داوه‌. به‌ڵام ئه‌م سه‌ردانه‌ی جەوهەر محیەدین ئاغا بۆ سلێمانی نارەزایی تووندی نێو عەشیرەتی هه‌ركی بەدوای خۆیدا هێناوه‌و.