هەواڵى ناوخۆ

پەکەکە هۆشداری دەداتە هەسەدە لەگەڵ ئەنەکەسە رێکنەکەوێت

بەئامانجی سەقامگیرنەبوونی دۆخی ڕۆژئاوا ڕێکخراوی پەکەکە کێشە بۆ ڕێکەوتنی نێوان ئەنەکەسە و پەیەدە دروست دەکات و هۆشداری داوەتە هەسەدە لەگەڵ ئەنەکەسە رێکنەکەوێت.

بەپێی ئەو زانیاریانەی دەست ڕه‌وش پۆست کەوتون ڕێکخراوی پەکەکە لەڕێی ڕێکخستنەکانیەوە هەوڵی دروستکردنی کێشە دەدات لەنێوان ئەنەکەسە و پەیەدە لە ڕۆژئاوای کوردستان و هەڕەشەی کردوە ئەگەر هەسەدە لەگەڵ ئەنەکەسە رێکبکەوێ ئەوە پاڵپشتیەکانی خۆی لەو هێزانە دەکشێنێتەوە و هەڵیدەوەشێنێتەوە.

بەپێی زانیاریەکان جەمیل بایک یەکێکە لەو سەرکردانەی ئەو ڕێکخراوە کەکار دەکات بۆ تێکدانی ئەو سەقامگیریەی کەبەهۆی لێکنزیکبونەوەی ئەنەکەسە و پەیەدە لە ڕۆژئاوا هاتوەتەدی، بەئامانجی سەقامگیرنەبوونی دۆخی ڕۆژئاوا تاوەکو وەبەرهێنانی خۆیانی تیادا بکەن.