عیراقى و جیهانى

وه‌زاره‌تی پێشمه‌رگه‌: حه‌شدو داعش جیاوازیان نیه‌

 

 

 

ئەنوەری حاجی عوسمان، بریکاری وەزارەتی پێشمەرگەری حکوومەتی ھەرێمی کوردستان لە لێدوانێکی تایبەت بۆ کوردستان24، رایگەیاند، حەشدی شەعبی خورماتوو داگیر بكات یا داعش ھیچ جیاوازییەكی نییە.

ئەنوەری حاجی عوسمان دەڵێت: "بە داخەوە كاتی خۆی زۆر ھاوارمانكرد، كە رێگە نەدرێت، بە رەسمی بارەگاكانی ھێزەكانی حەشدی شەعبی بێنە ئەو ناوچانە، جارێكی دیكەش گوتوومە ئەوە گوناھی خۆمانە".

ئەنوەری حاجی عوسمان دەشڵێت: "كاتژمێر 11ی شەوی رابردوو شەڕەكە دەستیپێكردووە، ئێستا شەڕەكە گەورەتربووە، شوێنە بەرزەكانی خورماتوو لە دەست ھێزەكانی پێشمەرگە دان، ئەمریكا لە پەیوەندیدایە لەگەڵ سەرۆكی ھەرێم و سەرۆكی ئەنجوومەنی وەزیران، بۆ ئەوەی چارەسەرێكی بنەڕەتی بدۆزنەوە، من ئاگاداری ئەوەم خەڵكی داقووق و خورماتوو ھەسەت بە مەترسی دەكەن، داوا دەكەن حەشدی شەعبی لەو ناوچانە دەر بكرێت، من پێم وایە حەشدی شەعبی خورماتوو داگیر بكات یا داعش ھیچ جیاوازییەكی نییە".