هەواڵ

به‌په‌له‌... ئێران پرۆژه‌یه‌كی تر ده‌داته‌ یه‌كێتی

 

 

 

به‌پێی لێدوانی پەرلەمانتارێکی پێشووی یەکێتی نیشتیمانی كه‌ ئاماژە بەوە دەکات، دۆخی ناوخی یەکێتی چارەسەر دەبێت، چونکە هەوڵەکانی كۆماری ئیسلامی ئێران لەو بارەوە زۆرن و پرۆژەش پێشکەش کراوە تاوه‌كو پێش به‌ستنی كۆنگره‌ هه‌ردوو باڵه‌كه‌ بگه‌نه‌ رێككه‌وتنی كۆتایی.

له‌و باره‌یه‌وه‌ پەروین عەبدولڕەحمان، ئەندامی خولی پێشووی پەرلەمانی کوردستان لە فراکسیۆنی یەکێتی، ئاشكرایكردوه‌ كۆماری ئیسلامی ئێران بەردەوام لەهەوڵدا بوون بۆ چارەسەرکردنی کێشەکانی ناو یەکێتی و چاکسازیی ڕیشەیی لەناو ئەم حزبە، بۆیە كۆماری ئیسلامی ئێران بۆ جارێكی تر هاتۆته‌ سه‌ر خه‌ت و پڕۆژەیەکیان داوەتە حزب بۆ چارەسەری کێشەکان، هەندێک لە برادەران پێیان وابوو کە ئەم پڕۆژەیە، چارەسەری کێشەکانی یەکێتی ناکات، بەڵام هەندێکمان گەشبین بووین.

جەختیشی لەوە کردەوە: گەورەترین برینی یەکێتی لەوەدایە کە ناتوانێت ناوەندی بڕیاری بەهێزی هەبێت، بۆ سەرجەم ئۆرگانەکان، بۆیە لەو پڕۆژەیە ئەوەمان باس کردووە و باسمان لە چارەسەریش کردووە.

پەروین عەبدولڕەحمان ئەوەشی ڕوونکردۆتەوە: یەکێک لە نیگەرانییەکانی کۆسرەت ڕەسوڵ عەلی، جێگری یەکەمی سکرتێری گشتیی یەکێتی، بابەتی دەسەڵاتە لەناو حزب، بۆیە چۆن پێشووتر مام جەلال باسی کۆسرەت رەسوڵ عەلی کرد لەناو یەکێتی، ئێستاش ئاوا هەموو یەکێتییەکان ئەویان بە برا گەورەی یەکێتی قەبوڵە و داوا دەکەین هەردوولا دانیشتن بۆ چارەسەری کێشەکان بکەن.