عیراقى و جیهانى

په‌یه‌ده‌ دووباره‌ بێڕێزی به‌ ئاڵای كوردستان ده‌كات

 

 

 

ژماره‌یه‌ك چه‌كدارى PYD پێش كه‌مێك، له‌ شارى ده‌رباسییه‌ له‌ سنوورى حه‌سه‌كه‌ له‌ كوردستانى ڕۆژئاوا، هه‌ڵیانكوتایه‌ سه‌ر مه‌كته‌بى ئەنجومەنی نیشتیمانی کورد لەسوریاى ئۆپۆزسیۆن (ئەنەکەسە) و ئاڵاى كوردستانیان هێنایه‌ خواره‌وه‌.

چالاكوانانى ئەنجومەنی نیشتیمانی کورد لەسوریاى ئۆپۆزسیۆن، رایگه‌یاند :" ده‌یان لایه‌نگرى PYD هه‌ڵیانكوتایه‌ سه‌ر نووسینگه‌ى خۆجێیه‌تی ئەنەکەسە له‌ ده‌رباسییه‌".

ڕوونیانكرده‌وه‌، كه‌ هێرشبه‌ران ئاڵاى حزبییان به‌ده‌سته‌وه‌ بووه‌ و دواى ئه‌وه‌ى چوونه‌ ناو نووسینگه‌كه‌وه‌، هه‌موو كه‌ره‌سته‌كانیان تێكشكاند.

ئاماژه‌یان به‌وه‌ش داوه‌، كه‌ لایه‌نگرانى PYD چوونه‌ سه‌ربانى نووسینگه‌كه‌ و ئاڵاى كوردستانیان هێنایه‌ خواره‌وه‌، دواتر فڕێیان دایه‌ سه‌ر زه‌وى.

ئه‌م هێرشه‌ دواى ئه‌و خۆپیشاندانانه‌ هات كه‌ لایه‌نگرانى PYD له‌ چه‌ند شار و شارۆچكه‌یه‌كی كوردستانى ڕۆژئاوا له‌سه‌ر ڕووداوه‌كانى ئه‌مڕۆی سنوورى سنوونێ ڕێكیانخست، له‌وانه‌ش (ده‌رباسییه‌ و كۆبانێ و قامیشلۆ) و تیایدا درووشمى دژ به‌ هێزه‌كانى پێشمه‌رگه‌ و فه‌رمانده‌كانى هه‌رێمى كوردستان ده‌گوته‌وه‌.