عیراقى و جیهانى

600 چه‌كداری یه‌به‌شه‌ ده‌بنه‌ پێشمه‌رگه‌

 

 

 

سه‌رچاوه‌یه‌كی تایبه‌ت له‌ شنگال ئاشكرايكردووة دوای گرژییه‌كه‌ی خانه‌سۆر كه‌ له‌لایه‌ن په‌كه‌كه‌وه‌ ته‌قه‌ له‌ هێزه‌كانی پێشمه‌رگه‌ی كوردستان كرا، نزیكه‌ی 600 چه‌كداری نێو ڕیزه‌كانی یه‌به‌شه‌ خۆیان ڕاده‌ستی هێزی پێشمه‌رگه‌ی كوردستان كردووه‌ و وه‌رگیراونه‌ته‌وه‌ و هاتنی چه‌كدارانیش له‌ ڕیزی یه‌به‌شه‌ سه‌ر به‌ په‌كه‌كه‌ به‌رده‌وامه‌. خه‌ڵك له‌و هێزه‌ بێزار بوون و گه‌یشتوونه‌ته‌ ئه‌و باوه‌ڕه‌ی تا په‌كه‌كه‌ له‌ شنگال بێ، ناوچه‌كه‌یان ئارامی و ئاسایش به‌خۆیه‌وه‌ نابینێت.

له‌وباره‌یه‌وه‌ فه‌ریق جه‌مال محه‌مه‌د سوپاسالاری هێزی پێشمه‌رگه‌ی كوردستان ئاشكرايكردووه‌, ته‌واوی ئه‌و چه‌كدارانه‌ی یه‌به‌شه‌ كه‌ باڵی په‌كه‌كه‌یه‌ له‌و سنووره‌ كه‌ خۆیان ڕاده‌ستی هێزی پێشمه‌رگه‌ی كوردستان كردووه‌، وه‌رگیراونه‌ته‌وه‌ و له‌لایه‌ن فه‌رمانده‌یی پێشمه‌رگه‌ی شنگاله‌وه‌ له‌ بنكه‌كانی مه‌شق و ڕاهێنان، دووباره‌ مه‌شقیان پێ ده‌كرێته‌وه‌ و له‌ نێو ڕیزه‌كانی پێشمه‌رگه‌ی كوردستان ڕێك ده‌خرێنه‌وه‌.